തീവ്ര ശാരീരിക മാനസിക വെല്ലുവിളി നേരിടുന്ന വ്യക്തികള്‍ക്ക് പരസഹായമില്ലാതെ അവരുടെ ദൈനംദിന കാര്യങ്ങള്‍ ചെയ്യുന്നതിന് കഴിയുകയില്ല. പലപ്പോഴും ഇത്തരക്കാര്‍ വീട്ടില്‍ തന്നെ കഴിയേണ്ടി വരുന്ന അവസ്ഥയാണുള്ളത്. ഒരു കുടുംബത്തില്‍/വീട്ടില്‍ തീവ്ര ശാരീരിക മാനസിക വെല്ലുവിളിയുള്ള ഒരു വ്യക്തി ഉണ്ടെങ്കില്‍ ആ വീട്ടിലെ ഒരു മുതിര്‍ന്ന വ്യക്തി (അച്ഛന്‍/അമ്മ) മറ്റ് ജോലിക്കൊന്നും പോകാന്‍ കഴിയാതെ അവരെ സംരക്ഷിക്കുന്നതിനും അവരുടെ ദൈനംദിന കാര്യങ്ങള്‍ ചെയ്തു കൊടുക്കുന്നതിനുമായി വീട്ടില്‍ തന്നെ കഴിയേണ്ടി വരുന്നു. ഇത്തരം രോഗാവസ്ഥയിലുള്ളവരെ ഒറ്റയ്ക്ക് വീട്ടിലാക്കിയിട്ട് മറ്റൊരു ജോലിക്ക് പോകാന്‍ വിഷമിക്കുന്നവര്‍ ധാരാളമുണ്ട്. ഈ സാഹചര്യത്തില്‍ തീവ്ര ശാരീരിക-മാനസിക വെല്ലുവിളി നേരിടുന്ന വ്യക്തികളെ സംരക്ഷിക്കുന്ന ബി.പി.എല്‍ കുടുംബത്തില്‍പ്പെട്ട മാതാവിന്/രക്ഷകര്‍ത്താവിന് സ്വയംതൊഴില്‍ ആരംഭിക്കുന്നതിന് ഒറ്റത്തവണയായി 35,000 രൂപ ധനസഹായം നല്‍കുന്ന പദ്ധതിയാണ് സ്വാശ്രയ.
മാനദണ്ഡം
1) അപേക്ഷകര്‍ BPL കുടുംബാംഗം ആയിരിക്കണം.
2) മുഴുവന്‍ സമയ സഹായി ആവശ്യമുള്ള, 50 % മോ അതില്‍ കൂടുതലോ ഭിന്നശേഷിയുള്ളവരെ സംരക്ഷിച്ചു വരുന്ന മാതാവ്/പിതാവ്/അടുത്ത ബന്ധുക്കള്‍ക്ക് സ്വയം തൊഴില്‍ നേടുന്നതിനായി ഒറ്റത്തവണ ധനസഹായം
3) ഒന്നില്‍ കൂടുതല്‍ ഭിന്നശേഷിക്കാരുള്ള കുടുംബങ്ങളിലെ മാതാവ്/പിതാവ്/അടുത്ത ബന്ധുക്കള്‍ക്ക് സഹായിയായി നില്‍ക്കേണ്ട അവസ്ഥയില്‍ ഭിന്നശേഷി ശതമാനം ഏതെങ്കിലും ഒരു കുട്ടിക്ക് 40 % ആണെങ്കില്‍പ്പോലും ഈ പദ്ധതി പ്രകാരം തുക അനുവദിക്കാം.
4) ഭര്‍ത്താവിന് ശാരീരിക/മാനസിക ബുദ്ധിമുട്ടുകള്‍ കാരണം ജോലിക്ക് പോകാന്‍ സാധിക്കാത്തതും മറ്റ് വരുമാന മാര്‍ഗ്ഗങ്ങള്‍ ഇല്ലാത്തതുമായ സാഹചര്യത്തില്‍ ഭര്‍ത്താവ് നിലവിലുണ്ടെങ്കിലും ഭിന്നശേഷിയുള്ള കുട്ടിയുടെ മാതാവിന് തുക അനുവദിയ്ക്കാവുന്നതാണ്.
5) ഭിന്നശേഷിത്വം മൂലം പുറത്ത് പോയി ജോലി ചെയ്യുവാന്‍ സാധിയ്ക്കാത്ത ഭിന്നശേഷിക്കാര്‍ക്കും ഈ പദ്ധതി പ്രകാരം തുക അനുവദിയ്ക്കാവുന്നതാണ്.
അപേക്ഷിക്കേണ്ട വിധം
പദ്ധതി പ്രകാരമുള്ള അപേക്ഷ സുനീതി പോര്‍ട്ടല്‍ മുഖേന ഓണ്‍ലൈനായി സമര്‍പ്പിക്കേണ്ടതാണ്. കൂടുതല്‍ വിവരങ്ങള്‍ക്ക് suneethi.sjd.kerala.gov.in
ടാർജെറ്റ്‌ ഗ്രൂപ്പ്
| ഭിന്നശേഷിക്കാര്‍ |
പ്രമാണങ്ങൾ
| Application Forms | Swasraya scheme for parents (single mothers) of PH/MR persons |
|---|---|
| GOs | Swasraya scheme for parents (single mothers) of PH/MR persons |
