You are here : Home സാമൂഹ്യനീതി/ശാക്തീകരണം ബഹുമതികള്‍ മുതിര്‍ന്ന പൗരന്മര്‍

PostHeaderIcon മുതിര്‍ന്ന പൗരന്മാര്‍ക്കുള്ള അവാര്‍‌ഡ്

1. മുതിര്‍ന്ന പൗരന്മാര്‍ക്കുള്ള വയോശ്രേഷ്ട സമ്മാന്‍ പുരസ്കാരം

പേര് വയോശ്രേഷ്ട സമ്മാന്‍
ഇനം കേന്ദ്രസര്‍ക്കാര്‍
വിവരണം എല്ലാ വര്‍ഷവും ഒക്ടോബര്‍ 1 അന്തരാഷ്ട്രാ മുതിര്‍ന്ന പൗരദിനമായി ആഗോളതലത്തില്‍ ആചരിച്ചുവരുന്നു. ഇതിന്റെ ഭാഗമായി കേന്ദ്ര സാമൂഹ്യ നീതി-ശാക്തീകരണ മന്ത്രാലയം വര്‍ഷംതോറും വിവിധ പരിപാടികള്‍ സംഘടിപ്പിക്കുകയും മുതിര്‍ന്ന പൗരന്മാര്‍ക്കും സംഘടനകള്‍ക്കും പഞ്ചായത്തുകള്‍ക്കും വയോശ്രേഷ്ട സമ്മാന്‍ വിതരണം ചെയ്യുകയും ചെയ്യുന്നു.
മുതിര്‍ന്ന പൗരരന്മാര്‍ നല്‍കിയ സംഭാവനകള്‍ അംഗീകരിക്കുന്നതിനും മുതിര്‍ന്ന പൌരന്മാര്‍ നേരിടുന്ന പ്രശ്നങ്ങളെക്കുറിച്ച് സമൂഹത്തെ ബോധവല്‍കരിക്കുന്നതിനും മുതിര്‍ന്നവരുടെ അവകാശങ്ങളെക്കുറിച്ചുള്ള പ്രതിജ്ഞാബദ്ധത ഉറപ്പിക്കുന്നതിനും വേണ്ടിയാണ് ഈ അവാര്‍ഡ് ഏര്‍പ്പെടുത്തിയിരിക്കുന്നത്. വിവിധ വിഭാഗങ്ങളിലായി 10 പുരസ്കാരങ്ങളാണുള്ളത്.
ഗുണഭോക്താക്കള്‍ മുതിര്‍ന്ന പൗരന്മാരുടെ പ്രശ്നങ്ങളെക്കുറിച്ച് പഠിക്കുന്ന സ്ഥാപനങ്ങള്‍, മുതിര്‍ന്ന പൗരന്മാരുടെ ക്ഷേമത്തിനായി പ്രവര്‍ത്തിക്കുന്ന അസ്സോസിയേഷനുകള്‍, സാമൂഹ്യസേവനം തുടരുന്ന 90-ലേറെ പ്രയാമുള്ള വ്യക്തികള്‍, തങ്ങളുടെ കുട്ടികളെ അവരുടെ ഉന്നതിയലെത്തിക്കാന്‍ കഠിനപ്രയത്നം നടത്തിയ അമ്മമാര്‍, ധീരരായ മുതിര്‍ന്ന പൗരര്‍, മുതിര്‍ന്ന പൗരന്മാര്‍ക്കായി സേവനങ്ങള്‍ നിര്‍വഹിക്കുന്ന മുതിര്‍ന്ന പൗരര്‍, സാംസ്കാരിക രംഗങ്ങളില്‍ ദേശീയ/അന്തര്‍ദേശീയ പുരസ്കാരങ്ങള്‍ നേടിയ മുതിര്‍ന്ന പൗരന്മാര്‍, മുതിര്‍ന്ന പൗരന്മാരുടെ ക്ഷേമത്തിനായി മികച്ച രീതിയില്‍ പ്രവര്‍ത്തിക്കുന്ന പഞ്ചായത്തുകള്‍, കായികരംഗത്ത് പ്രവര്‍ത്തിക്കുന്ന മുതിര്‍ന്ന പൗരര്‍, സാമ്പത്തിക ഉന്നമനത്തിനായി പ്രവര്‍ത്തിക്കുന്ന മുതിര്‍ന്ന പൗരര്‍ എന്നിവര്‍ക്ക് നിര്‍ദ്ദിഷ്ട പുരസ്കാരങ്ങള്‍ക്കായി അപേക്ഷിക്കാം.
നേട്ടങ്ങള്‍ താഴെ പറയുന്ന വിഭാഗങ്ങളിലാണ് പുരസ്കാരങ്ങള്‍ നല്‍കുന്നത്:
സ്ഥാപനങ്ങള്‍ക്കുള്ള വിജ്ഞാന പുരസ്കാരം- പ്രായാധിക്യവുമായി ബന്ധപ്പെട്ട മേഖലയില്‍ വിജ്ഞാനം ഉല്‍പാദിപ്പിക്കുകയും വ്യാപനം ചെയ്യുകയും ചെയ്യുന്ന സ്ഥാപനങ്ങള്‍ക്ക്.
സ്ഥാപനങ്ങള്‍ക്കുള്ള സേവന പുരസ്കാരം-മുതിര്‍ന്നവരുടെ ക്ഷേമത്തിനായി അന്യാദൃശ്യ സേവനങ്ങള്‍ പ്രദാനം ചെയ്യുന്ന സ്ഥാപനങ്ങള്‍ക്ക്.
സെന്റിനേറിയന്‍ പുരസ്കാരം-90ന് മുകളില്‍ പ്രായമായതിനുശേഷവും സമൂഹത്തിനായി പണിയെടുക്കുകയും സംഭാവന ചെയ്യുകയും ചെയ്യുന്ന വ്യക്തികള്‍ക്ക്.
മികച്ച മാതൃപുരസ്കാരം-തങ്ങളുടെ കുട്ടികളുടെ സ്വപ്നം സാക്ഷാത്കരിക്കുന്നതിനായി എല്ലാ തിരിച്ചടികള്‍ക്കുമെതിരെ പോരാടിയ അമ്മമാര്‍ക്ക്.
സാഹസത്തിനും ധീരതയ്ക്കുമുള്ള പുരസ്കാരം-പ്രതികൂല സാഹചര്യങ്ങളില്‍ അസാധാരണമായ ധൈര്യം പ്രകടിപ്പിച്ച മുതിര്‍ പൌരന്മാര്‍ക്ക്.
അജീവനാന്ത സേവന പുരസ്കാരം-പ്രായധിക്യവുമായി ബന്ധപ്പെട്ട മേഖലയില്‍ പ്രവര്‍ത്തിക്കുകയും നിര്‍ണ്ണായക സംഭാവനകള്‍ നല്‍കുകയും ചെയ്ത മുതിര്‍ പൗരര്‍ക്ക്.
ക്രിയാത്മക കലാ പുരസ്കാരം-സാഹിത്യം, ചിത്രകല, നാടകം, ചലച്ചിത്രം എന്നീ മേഖകളില്‍ നടത്തിയ സംഭവാനകള്‍ക്ക് ദേശീയ/അന്തര്‍ദേശീയ പുരസ്കരങ്ങള്‍ നേടുകയും പ്രായധിക്യത്തിനും യുവജനങ്ങളുടെ തങ്ങളുടെ കല പരിശീലിപ്പിക്കാനുള്ള ശ്രമങ്ങള്‍ക്കും ഉപരിയായി തുടര്‍ന്നും സാമൂഹിക അംഗീകാരം ലഭിക്കുകയും ചെയ്യുന്ന വ്യക്തികള്‍ക്ക്.
മികച്ച പഞ്ചായത്തിനുള്ള പുരസ്കാരം-മുതിര്‍ന്ന പൗരന്മാര്‍ക്കായി പഞ്ചായത്ത് തലത്തില്‍ മാതൃകാപരമായ പ്രവര്‍ത്തനങ്ങള്‍ സംഘടിപ്പിച്ച പഞ്ചായത്തുകള്‍ക്ക്.
കായികതാര പുരസ്കാരം-തങ്ങളുടെ യൗവനകാലത്ത് ദേശീയ/അന്തര്‍ദേശീയ പുരസ്കാരങ്ങള്‍ കരസ്തമാക്കുകയും യുവകായിക താരങ്ങളുടെ ഉന്നമനത്താനായി സേവനം തുടരുകയും ചെയ്യുന്ന വ്യക്തികള്‍ക്ക്.
സാമ്പത്തിക നേതൃത്വ പുരസ്കാരം-സാമ്പത്തിക-സംരംഭകത്വ വികസന് സംഭാവനകള്‍ നല്‍കുകയും വ്യവസായ മേഖലയുടെ നിലവാരം മെച്ചപ്പെടുത്തുന്നതിനായി സേവനം തുടരുകയും ചെയ്യുന്ന വ്യക്തികള്‍ക്ക്.
യോഗ്യതാ മാനദണ്ഡം അപേക്ഷകര്‍ക്ക് മുകളില്‍ പറഞ്ഞ യോഗ്യതകള്‍ വേണം.
എങ്ങനെ ലഭ്യമാക്കാം അപേക്ഷാ ഫോറങ്ങള്‍ ജില്ലാ സാമൂഹ്യക്ഷേമ ഓഫീസില്‍ ലഭ്യമാണ്. ഇംഗ്ളീഷില്‍ പൂര്‍ണമായി പൂരിപ്പിച്ച അപേക്ഷകള്‍ ബന്ധപ്പെട്ട രേഖകളും സഹിതം സര്‍ക്കാര്‍ നിശ്ചയിക്കുന്ന തിയതിക്കുള്ളില്‍ അതേ ഓഫീസില്‍ തന്നെ അപേക്ഷകള്‍ സമര്‍പ്പിക്കാം.

അപേക്ഷ ഫോം ഡൌണ്ലോഡ് ചെയ്യുവാന്‍ ഇവിടെ ക്ലിക്ക് ചെയ്യുക