You are here : Home സാമൂഹ്യനീതി/ശാക്തീകരണം ബഹുമതികള്‍ വിഭിന്നശേഷിയുള്ളവര്‍

PostHeaderIcon വിവിധശേഷിയുള്ളവര്‍ക്കുള്ള അവാര്‍ഡ്

1. ശാരീരിക വെല്ലുവിളികള്‍ നേരിടുന്നവര്‍ക്കുള്ള സ്ഥാപനങ്ങള്‍ക്കുമുള്ള ദേശീയ അവാര്‍ഡുകള്‍

ഇനം കേന്ദ്രസര്‍ക്കാര്‍
വിവരണം സര്‍ക്കാര്‍/പൊതു/സ്വകാര്യ മേഖലകളില്‍ പണിയെടുക്കുന്ന     ജീവനക്കാര്‍ക്കും സ്വയം തൊഴില്‍ കണ്ടെത്തിയവര്‍ക്കുമായി പത്ത്  അവാര്‍ഡുകളാണുള്ളത്.    മികച്ച തൊഴിലവസരങ്ങള്‍ നല്‍കുന്ന ഓഫീസുകള്‍/ഏജന്‍സികള്‍/സ്ഥാപനങ്ങള്‍, ശാരീരിക വെല്ലുവിളികള്‍ നേരിടുന്നവര്‍ക്കുള്ള മികച്ച  ക്ഷേമ സ്ഥാപനങ്ങള്‍, ശാരീരിക വെല്ലുവിളികള്‍ നേരിടുന്നവരുടെ ക്ഷേമത്തിനായുള്ള ഗവേഷണ പ്രവര്‍ത്തനങ്ങള്‍, മികച്ച പ്രാദേശികതല സമിതികള്‍, വ്യക്തിപരമായി മികച്ച നേട്ടങ്ങള്‍ കൈവരിച്ചിട്ടുള്ള കുട്ടികളും വ്യക്തികളും എന്നിവര്‍ക്കും അവാര്‍ഡുകള്‍ നല്‍കുന്നു.
ഗുണഭോക്താക്കള്‍ സര്‍ക്കാര്‍/ പൊതു/സ്വകാര്യ മേഖലകളിലെ ജീവനക്കാര്‍,സ്വയം തൊഴില്‍ കണ്ടെത്തിയ ശാരീരിക വെല്ലുവിളികള്‍ നേരിടുന്നവര്‍, ശാരീരിക വെല്ലുവിളികള്‍ നേരിടുന്നവരുടെ ക്ഷേമത്തിനായി പ്രവര്‍ത്തിക്കുന്ന വ്യക്തികള്‍, ക്ഷേമ സ്ഥാപനങ്ങള്‍, തൊഴില്‍ ലഭ്യമാക്കുന്ന ഏജന്‍സികള്‍/ ഓഫീസുകള്‍/സ്ഥാപനങ്ങള്‍, വ്യക്തിഗത നേട്ടങ്ങള്‍ കൈവരിച്ചിട്ടുള്ള വികലാംഗരായ കുട്ടികളും വ്യക്തികളും.
നേട്ടങ്ങള്‍ ക്യാഷ് അവാര്‍ഡും പ്രശസ്തി പത്രവും
താഴെ പറയുന്ന വിഭാഗങ്ങളിലാണ് അവാര്‍ഡുകള്‍ നല്‍കുന്നത്.
1) ശാരീരിക വെല്ലുവിളികള്‍ നേരിടുന്ന ജീവനക്കാര്‍ക്കും/സ്വയം തൊഴില്‍ കണ്ടെത്തിയവര്‍ക്കുമുള്ള അവാര്‍ഡ്. കൂടാതെ ശാരീരിക വെല്ലുവിളികള്‍ നേരിടുന്ന വ്യക്തികളില്‍ അന്യാദൃശ്യമായ കഴിവുകള്‍ ഉള്ളവര്‍/തൊഴില്‍ദായക ഓഫീസുകള്‍/ഏജന്‍സികള്‍ എന്നിവര്‍ക്കുള്ള അവാര്‍ഡുകള്‍.
2) ശാരീരിക വെല്ലുവിളികള്‍ നേരിടുന്നവരുടെ ഉന്നമനത്തിനായി അമൂല്ല്യ സേവനങ്ങള്‍ നല്‍കിയിട്ടുള്ള സ്ഥാപനങ്ങള്‍ക്കും വ്യക്തികള്‍ക്കുമുള്ള അവാര്‍ഡുകള്‍.
3) ശാരീരിക വെല്ലുവിളികള്‍ നേരിടുന്ന വ്യക്തികള്‍ക്ക് വിവേചനരഹിത അന്തരീക്ഷം സൃഷ്ടിച്ചതിനുള്ള അവാര്‍ഡുകള്‍.
4) ശാരീരിക വെല്ലുവിളികള്‍ നേരിടുന്ന വ്യക്തികളുടെ പുനരധിവാസത്തിനായി മികച്ച പ്രവര്‍ത്തനം നടത്തിയിട്ടുള്ള ജില്ലകള്‍ക്കുള്ള അവാര്‍ഡുകള്‍.
5) ശാരീരിക വെല്ലുവിളികള്‍ നേരിടുന്ന വ്യക്തികള്‍ക്കായി മികച്ച സാങ്കേതിക കണ്ടെത്തലുകള്‍ നടത്തിയതിനുള്ള അവാര്‍ഡ്.
6) ശാരീരിക വെല്ലുവിളികള്‍ നേരിടുന്ന അനുകരണീയ വ്യക്തികള്‍ക്കുള്ള അവാര്‍ഡുകള്‍.
7) നാഷണല്‍ ട്രസ്റ്റിന് കീഴിലുള്ള മികച്ച പ്രാദേശികതല സമിതികള്‍ക്കുള്ള അവാര്‍ഡുകള്‍.
8) ശാരീരിക വെല്ലുവിളികള്‍ നേരിടുന്നവരില്‍ മികച്ച ക്രിയാത്മകത പ്രകടിപ്പിക്കുന്ന കുട്ടികള്‍ക്കും മുതിര്‍ന്നവര്‍ക്കുമുള്ള അവാര്‍ഡുകള്‍.
9) ദേശീയ ഹാന്‍ഡിക്യാപ്ഡ് ഫിനാന്‍സ് ഡവലപ്മെന്റ് കോര്‍പ്പറേഷനിലെ (NHFDC) മികച്ച സ്റ്റേറ്റ് ചാനലൈസിംഗ് ഏജന്‍സിക്കുള്ള (SCA) അവാര്‍ഡുകള്‍.
യോഗ്യതാ മാനദണ്ഡം അതത് സ്ഥാപനങ്ങളിലെ മേലധികാരികള്‍ ശുപാര്‍ശ ചെയ്യുന്ന ജീവനക്കാര്‍ക്ക് അപേക്ഷിക്കാം. 10 വര്‍ഷമോ അതിലോ കൂടുതലോ കാലമായി പ്രവര്‍ത്തിക്കുന്ന ക്ഷേമ സ്ഥാപനങ്ങള്‍ക്ക് അപേക്ഷിക്കാം. തൊഴില്‍ദായക സ്ഥാപനങ്ങളെ സംബന്ധിച്ചിടത്തോളം കഴിഞ്ഞ 5 വര്‍ഷത്തിനുള്ളില്‍ നിയമിക്കപ്പെട്ട ശാരീരിക വെല്ലുവിളികള്‍ നേരിടുന്ന വ്യക്തികളുടെ (പ്രത്യേകിച്ച് സ്ത്രീകളുടെ) എണ്ണം പരിഗണിക്കപ്പെടും.
എങ്ങനെ ലഭ്യമാക്കാം നിര്‍ദ്ദിഷ്ട ജില്ലാ സാമൂഹ്യ നീതി ഓഫീസുകളില്‍ നിന്നും അപേക്ഷാ ഫോമുകള്‍ ലഭിക്കും. പൂര്‍ണമായും പൂരിപ്പിച്ച അപേക്ഷകള്‍ അവശ്യം വേണ്ട രേഖകള്‍ അടക്കം കേന്ദ്ര സാമൂഹിക നീതി-ശാക്തീകരണ മന്ത്രാലയം നിശ്ചയിക്കുന്ന അവസാന തീയതിക്കുള്ളില്‍ അതത് ഓഫീസുകളില്‍ സമര്‍പ്പിക്കുക. (ഇംഗ്ളീഷില്‍ പൂരിപ്പിച്ച അപേക്ഷകള്‍ മാത്രം).
2009-10 വര്‍ഷത്തില്‍ ദേശീയ അവാര്‍ഡിനായി 11 അപേക്ഷകളാണ് നിര്‍ദ്ദേശിക്കപ്പെട്ടത്

2. ശാരീരിക വെല്ലുവിളികള്‍ നേരിടുന്ന ജീവനക്കാര്‍ക്കും സ്ഥാപനങ്ങള്‍ക്കു തൊഴില്‍ദാതാക്കള്‍ക്കുമുള്ള സംസ്ഥാന അവാര്‍ഡുകള്‍

ഇനം സംസ്ഥാനം
വിവരണം ശാരീരിക വെല്ലുവിളികള്‍ നേരിടുന്ന ജീവനക്കാര്‍ക്ക് 18 അവാര്‍ഡുകളാണുള്ളത്. സര്‍ക്കാര്‍ മേഖല, സ്വകാര്യ മേഖല, പൊതു മേഖല എന്നിവിടങ്ങളിലെ അന്ധര്‍, ബധിരര്‍, വാഹനാപകടങ്ങളില്‍ അംഗവൈകല്യം വന്നവര്‍ എന്നിവര്‍ക്കായി 2 അവാര്‍ഡുകള്‍ വീതമാണുള്ളത്. സര്‍ക്കാര്‍, സ്വകാര്യ-പൊതുമേഖലകളിലെ മികച്ച തൊഴില്‍ ദാതാക്കള്‍ക്ക് ഒരവാര്‍ഡ് വീതം നല്‍കും. അന്ധര്‍, ബധിരര്‍, വാഹാനാപകടങ്ങളില്‍ അംഗവൈകല്യം സംഭവിച്ചവര്‍, ബുദ്ധിമാന്ദ്യം ഉള്ളവര്‍ എന്നിവരുടെ ക്ഷേമത്തിനായി പ്രവര്‍ത്തിക്കുന്ന സ്ഥാപനങ്ങള്‍ക്ക് മേല്‍പറഞ്ഞ ഓരോ വിഭാഗത്തിലും ഓരോ അവാര്‍ഡ് വീതം നല്‍കും.
ഗുണഭോക്താക്കള്‍ പൊതു, സ്വകാര്യ, സര്‍ക്കാര്‍ മേഖലകള്‍, മികച്ച തൊഴില്‍ ദാതാക്കള്‍ (സര്‍ക്കാര്‍, സ്വകാര്യ, പൊതു), ശാരീരിക വെല്ലുവിളികള്‍ നേരിടുന്നവര്‍ക്കായുള്ള ക്ഷേമ സ്ഥാപനങ്ങള്‍ എന്നിവയില്‍ സ്ഥിരം നിയമനം നേടിയിട്ടുള്ള വ്യത്യസ്ത ശാരീരിക സവിശേഷതകള്‍ ഉള്ളവര്‍.
നേട്ടങ്ങള്‍ ശാരീരിക വെല്ലുവിളികള്‍ നേരിടുന്ന മികച്ച ജീവനക്കാര്‍ക്ക് 10,000/ രൂപയും സമ്മതിപത്രവും, സ്ഥാപനങ്ങള്‍ക്ക് 5000/ രൂപയും സമ്മതിപത്രവും ലഭിക്കും.
യോഗ്യതാ മാനദണ്ഡം ശാരീരിക വെല്ലുവിളികള്‍ നേരിടുന്ന കേന്ദ്ര/സംസ്ഥാന/പൊതു/സ്വകാര്യ മേഖലകളിലെ ജീവനക്കാര്‍ക്ക് അപേക്ഷിക്കാം. മൊത്തം ജീവനക്കാരില്‍ 2% വ്യത്യസ്ത ശാരീരിക സവിശേഷതകള്‍ ഉള്ള കേന്ദ്ര/സംസ്ഥാന/പൊതുമേഖലാ സ്ഥാപനങ്ങള്‍ക്ക് അപേക്ഷിക്കാം. അന്ധര്‍, ബധിരര്‍, വാഹനാപകടങ്ങളില്‍ അംഗവൈകല്യം സംഭവിച്ചവര്‍, ബുദ്ധിമാന്ദ്യമുള്ളവര്‍ എന്നിവര്‍ക്കായി പ്രവര്‍ത്തിക്കുന്ന ക്ഷേമ സ്ഥാപനങ്ങള്‍ക്ക് അപേക്ഷിക്കാം. വ്യത്യസ്ത ശാരീരിക സവിശേഷതകള്‍ ഉള്ള ജീവനക്കാരുടെ അപേക്ഷകള്‍ അതത് വകുപ്പുമേധാവികള്‍ സാക്ഷ്യപ്പെടുത്തിയിരിക്കണം. ശാരീരിക വൈകല്യം തെളിയിക്കുന്നതിനുള്ള മെഡിക്കല്‍ സര്‍ട്ടിഫിക്കറ്റ്, ഫോട്ടോ എന്നിവ അപേക്ഷയോടൊപ്പം സമര്‍പ്പിക്കണം. ഒരു തവണ അവാര്‍ഡ് ലഭിച്ച ജീവനക്കാരെയും സ്ഥാപനങ്ങളെയും വീണ്ടും പ്രോത്സാഹിപ്പിക്കുന്നതല്ല.
എങ്ങനെ ലഭ്യമാക്കാം ജില്ലാ സാമൂഹ്യ നീതി ഓഫീസുകളില്‍ അപേക്ഷാ ഫോമുകള്‍ ലഭിക്കും. അപേക്ഷാ ഫോമുകള്‍ പൂര്‍ണമായും പൂരിപ്പിച്ച് വേണ്ട രേഖകളോടൊപ്പം സാമൂഹികക്ഷേമ വകുപ്പ് ഓരോ വര്‍ഷവും നിശ്ചയിക്കുന്ന അവസാന തീയതിക്കുള്ളില്‍ അവരവരുടെ ഓഫീസില്‍ സമര്‍പ്പിക്കുക (അപേക്ഷ ഇംഗ്ളീഷില്‍ മാത്രം പൂരിപ്പിക്കുക).

അനുബന്ധ രേഖകള്‍, തുടങ്ങിയവ ലഭിക്കുവാന്‍‍ ഇവിടെ ക്ലിക്ക് ചെയ്യുക